وەسیەتی مامۆستا قانع بۆ وریای کوری:

وەسیەتی مامۆستا قانع بۆ وریای کوری:
رۆڵە سەد دەخیل مەڵایی مەکە
ئیشی چاوشۆری و رسوایی مەکە
درۆ و دەلەسەی خۆرایی مەکە
خۆت بە مەحکومی ئاوایی مەکە
رۆڵە هەرکەسێ کە هۆشیار نەبێ
بۆ گەل و هۆزی خزمەتکار نەبێ
ئەگەر برات بێ،لە لات یار نەبێ
دڵت بۆ ئێشی بریندار نەبێ
رۆڵە نەوکەری بۆ ئاغا مەکە
کرنووش بۆ خانم بۆ کوێخا مەکە
لە شێخ و سۆفی مەرحەبا مەکە
بە درۆ و چاوراو،نان پەیدا مەکە