بیر زمان جان دئییب جان ائشیدیردیک

بیر زمان جان دئییب جان ائشیدیردیک
ایندی کیمدی یارین، آی اعتبارسیز؟!
کیمه آغوش آچیب بوسه وئریرسن،
هانی اوزده عارین، آی اعتبارسیز؟!

کؤنول سارایینی توتاراق آلا
سریردیم جانیمی سن گلن یولا
دئییردین «عؤمرومدن بیر ساعات قالا،
منم وفادارین» آی اعتبارسیز!

من سنی بسله‌دیم گول‌لر ایچینده
شعر چمنینده، تئلر ایچینده
سن منی خار ائتدین ائل‌لر ایچینده
یوخدور اعتبارین، آی اعتبارسیز!

دئییردین ائیله‌سم سنه خیانت،
یولداشیم درد اولسون، شؤهرتیم لعنت
هانی بس او وفا، هانی صداقت،
بودورمو ایلقارین؟ آی اعتبارسیز!

«داشقین»ین سؤزلرین چیخارتما یاددان
گئیدیردین جانینا پالتاری اوددان
شیره‌ن چکیلنده دوشرسن داددان
باغلانار بازارین، آی اعتبارسیز...!

🤍🖤

#دلنوشته
#زبان_ترکی
#ترکی
#خاطرات
#بازنشر
#افشین_آذری
#ویسگون #کلیپ_ویسگون
#موسیقی
#عاشقانه #عاشقانه_ها
#عشق
#ترانه #ترانه
#بازنشر_لایک_فالو_یادت_نره🙏