فەریادم وە تۆن ، فەریادم وە تۆن

فەریادم وە تۆن ، فەریادم وە تۆن
هانا هەی ئازیز فەریادم وە تۆن

دەردم گرانەن ، ئەلوەدام بێ شۆن
شیفام ئینتیزار مەیل باڵای تۆن

ڕەحمێ کەر وە دڵ خەستەی زارەکەت
بدیە وە ڕوخسار بێ قەرارەکەت

زەردم ، زاییفم ، بێ خورد و خوابم
سەرگەردان وێڵ، بێ سەبر و تابم

خوراکم خەفەت ، ژینم مەینەتەن
وە مەرگت حەیات وە لام زەحمەتەن

مەر تۆ وە ڕەحمەت، بێ پایان وێت
وە لوتف و کەرەم، نومایان وێت

جامێ جەو بادەی وەسڵ دیدارت
جەو قەهقەهەی مەی شیشەی ڕوخسارت

بە وێنەی جاران سا پێم دەرەوە
عیسەوی ئاسا ئیحیام کەرەوە

#مامۆستا_مەولەوی

ده‌نگ:شاهو حسینی