آزربایجان گؤزل توپراغدا یاشیرام بولاغ تک آشیب داشیرام باخیرام جاوانلاشیرام دولورام فرحله هر آن آنا یوردوم آزربایجان

توپراغینی گزه-گزه
سنده گرک چؤکم دیزه
چوخدور سنین خئیرین بیزه
ثروتین وار آشیب داشان
آنا یوردوم آزربایجان
نولار اویان اؤزونه گَل
اولولارین سؤزونه گَل
بو میلّتین گؤزونه گَل
باشچی اول وئر یئنه فرمان
آنا یوردوم آزربایجان
کائیناتدا یوخدور تایین
کسیلمه ییب های-هارایین
ستّار خاندیر تانری پایین
آدی اولوب دیلده داستان
آنا یوردوم آزربایجان
سن قلبیمین شادلیق شَنی
یازا بیلمز قلم سنی
"آراز"ام گَل دیندیر منی
سن روحوما داوا درمان
#آنا یوردوم #آزربایجان