🦋💜«دونیانی بیر تک سئوگی قورتارا بیلر»💜🦋

بیر سویوق اوجاغام سوْورولوب کولوم،
بیرده سن اولماسان آلیشمایاجام.
منی آپارماغا گلسه ده اؤلوم ،
سنی سئومه‌مه‌یه چالیشمایاجام.

گونشدن آری‌سان، آی‌دان تمیزسن،
من سوسوز بیر آدا، سن‌سه دنیزسن،
سن منه دوغماسان،منه عزیزسن،
سنی سئومه‌مه‌یه چالیشمایاجام.
***
گوزلریم یول چکیب اویاق قالسا دا،
اللرین الیمدن اوزاق اولسا دا،
واللاه، سنی سئومک یاساق اولسا دا،
سنی سئومه‌مه‌یه چالیشمایاجام.