‌
گُؤزَل‌لَر گُؤزَه­‌لی اَوَّلدَن بَری
کُؤیلومینگ قَراری ایراندا گُؤردوُم
شـاعِـرلَر غَـزَلی اَوَّلـدَن بَری
عُمرومونگ بَهاری دیواندا گُؤردوُم
‌
ایـرانـیـم گُـلِـستـان هَـر یِئـری بُـسـتان
سیـاحَـت اِئیـلَه­‌دیم اُستـان به اُستـان
شیرازیـنگ جِئیـرانی گُـؤزلَری مَستان
سَرویٌـنَن صِنُـوبَر شیٌمـرانـدا گُـؤردوُم
‌
‌
اِصفَهان کُؤرپَه‌سی نَقش جَهانیٌ
صفـاهان اولـوب دُور دوٌنیانیـنگ یانی
صَفَوی نُولُوب دور قَـجَرلَر هانی
چِئل‌ستـون کاخیـنی اِیوانـدا گُـؤردوُم
‌
دَمـاوَند قُلَه‌سی دِنانیـنگ قاری
مِریـوان پَـریشـان دریـاچـه واری
وَطَـنیـم چایـلاری خُـروشان جـاری
آخیـب‌دیٌر گَـلایور هَر یانـدا گُـؤردوُم
‌
ایرانیم گُلِستان
‌
مِـهـرگِـرد آلمـاسـی پـادِنـا باغی
خونـساریـنگ چِشمَه‌سی چالـقافا داغـی
چـاهی‌دان سُـوْروُشـدوم اِئل‌لَـر سُراغـی
وورولان قافیلا بَکّاندا گُؤردوُم
‌