🔸گَل

🔸گَل

بیر دسته چیچک آغ-قارالی باغلامیشام، گل!
عشقین اوره‌یین شعره چکیب داغلامیشام، گل!

زیل ساچلاریمی گؤز یاشیم ایلا سویا وئردیم،
«اولدوز سایاراق» صوبحه کیمی آغلامیشام، گل!

چوخداندی، سنین گؤزلرینی آیلی چکندن،
اؤز گؤزلریمی پنجره‌یه باغلامیشام، گل!

گل، گؤر نه سایاق سئوگیمیزی غوربت آپارمیش!
بیر آغ بولودون کؤینه‌یینه چاغلامیشام، گل!

سینمیش اوره‌ییم؛ نئیله‌ییرم قوشمانی، شعری؟!
تک بیرجه غزل سن گله‌نه ساخلامیشام، گل!

بی مخاطب...
صفای خوبــــــــان...