#دُوَرِ_سیسه_فروشِ_پَل_وَ_مَینا_ودری

#دُوَرِ_سیسه_فروشِ_پَل_وَ_مَینا_ودری
دورِ پَل کمری،قَی چمنی ، لو شَکَری
خَشَ او دونِ پسینی که سراو چشمه سرد
اومیی تا بنشینی منِ او سایه وری
هی بخندی و بشینی و وریسی سر نشم
من او سایه وری وُ، دل وَ افتو بوری
اومیی بَی نم اَوو زلفلته غِنج کنی
ار کِری هم بزنی زلفله، دونن دوری
قیمتِ سیسه یَلِ زرد دو زلفت چقره ؟
سیسه سُهروی دوتا لوتَ فروشی چقری؟َ
دور ایری بروی سیسه بچینی لَکَکی
تِنَ دایُم وَ امومزایه نه سرما بخری
نره، زونیشه نیارم بره خاری منِ پات
سیسه پ سیچنته؟ خوت کلخنگِ کمری
نظری نیکنی و اخمَ نشونم ای یی
سَیلَلِت جَی دَیَ وُ خنده یلِ بی خوری
سیم گُتن که وته لوش سفی وا نیبو!
بگو بینم چنه ای خنده و ای عشوه گری
سرِکُلوتَی تیلِ حورَ دو برگِ تو گرُه
نی خوا هاشق برگل تُنِ یا چشمِ پری
تیلم ایزِرِکِهس تا تو بیی من چمِ دل
موخو بندیر تو بییُم، بیگپَ م ایگذری؟
ره ن زرنی که نبینی من رهت ویسامه
ای خلایق! نی خفت هم ینه؟ یا کتِ وبَری؟!
مو وش ایگم تو همی دینم و ایمون منی
وو وم ایگو تو وَعشقِ مو وته ره نبری...