الهی دردت چی مه بی دوا با

الهی دردت چی مه بی دوا با
چمر بیرت گریوت هه و جا با
رنگ شادی نینی تا قیامت
سخونت بشکیه بن بن جگا با
زنه ای وم شیونی شارت بشوه
خدا ناری حوالت وا خدا با
چنی سر د گمم کردی د عشقت
دعا میکم ک جا مالت سیاه با
منه وا کر چشت بیچاره کردی
نصیبت بی وفایی با جفا با
ایسه خوته سی ایی دله ژارم میری
تن نازت و خواری مبتلا با
سنگینی بار غم قم اشکنایه
قد و بالات چی دله مه دوتا با
دعا میکم دلم شویا د ور خاو
دلت بیوه بمونه بی پیا با