ئەی دەریا  

ئەی دەریا  

تکایه شەپۆلەکانت هێمنکەوه  

 خەڵکی ووڵاتی من بەخەمەوه هەڵدێ ...  

بە تووندی له ئامێزیان مەگره   

دڵیان هێنده ناسک بووه  

 به زەرده خەنەش ئەشکێ ! 

 ئەی دەریا  

 به تۆفان بڵێ :  

ئێمه فێری وشکه ساڵین  

 چاومان بەرگەی بێ سنوری ئاو ناگرێ 

 و خۆبه خۆ ئەمرین ... 

 پێویست ناکا بەشەپۆلەکانمان بسپێری ... 

 ئەی دەریا  ئێمه خاک نیه لەخۆمان بگرێت 

  تۆ ببه دایک و نیشتیمان 

  ئەی دەریا 

 ئێمه به ڕوناکی هەڵدێین  

 تۆ بەتاریکی مەمانکوژه 

  ئەی دەریا  

 دایکم ئینتیزاری گەڕانەوەمه   

تخوا دڵی مەشکێنه ..