دایە شیرینەکەم

دایە شیرینەکەم
چی بنووسم شایانی تۆ بێ؟
چی کەم بە دیاری ، وەک ئەرکی تۆ بێ؟
دایە جوانەکەم
کات و ساتت کردە خەڵاتم
تەمەنەت سووتان بۆ تەمەنم
ساوا بووم و هێنامتە بەرهەم
ژیانت بەخشی پێم
ڕێزی دنیات دا پێم
دایە گیان
بمکە بە گۆچان!
بەڵکوو ، بتوانم ، وڵامت دەمەوە
ئەو هەموو ئەرکە بۆ منت کێشاوە
دایە گیان
لە پێناو تۆ
نە دەم
نە قەڵەم
نایەنە گۆ
دایەی شیرینم
هیوای ژیانم
ساتێ نەتبینم
وێرانە ماڵم