حتما بخونیدش

حتما بخونیدش
نصف شو بد موقه بیر یکی پیام دا/
یکی من وات و دوتا من تلگرام دا/

خوندمش تاشمارش نه آشنایه/
عکس سر پروفایلش چی قرص مایه/

سیش فرستادم شما؟زی دا جوابم/
گو یکی مث لیلی ام و دل کبابم/

عکسشه زی فرستا تا مثل مایه/
عینک دودی زده پیش سرشه تایه/

تا مو دیر جواب ایدام فوری زت ایکه/
یه قلبی سیم فرستا پته پت ایکه/

وش گتم این کوچنی گل مهربونم/
تخو بی پیاملت تش زی و جونم/

گو بیو فلونه جا ار وقت داری/
اما یه زنجیل طله ی باید بیاری/

زی رتم یاراننه دادم و زنجیل/
جز کرا ده تیم نبی یه تک تمن پیل/

وش گتم په آدرس ایخوم بیایم/
آدرس دقیق بده جفتت درایم/

گو مو منشی دکترم من کوچه تنگو/
دهسلم انگشتری مچل النگو/

روسریم مشکی اما مانتوم سفیده/
هیکلم بالا بلند می دار بیده/

وریسام افتام وره سی سر قرارش/
ومگو او چی احسدی بی خت بیارش/

رسیدم جی گهته بی علینه گهتم/
پیامی دوباره دا گرد تش گرهتم/

گو عزیزم کوچنی سیت بیقرارم/
په بیو بندیرتم طاقت ندارم/

زی رسیدم من مطب تا پشت میزه/
آنفلانزا اومده پرش مریضه/

دیدمش تا راسیگو مانتوش سفیده/
ولی اخمش من یکه اینگا جهیده/

زنجیله من جیب کوت کردم مه دهسم/
زی رتم سرصندلی جفتش نشهسم/

احوالی گرمی زدم وم گو عزیزی/
گو بده دفترچته مه تم مریضی/

وش گتم مریض چنه مه ره وهوشت/
مه و یادت رهته او قرار دوشت/

خندسم گتم بیه زنجیل طلانه/
که یهو دا دم شپات کر گوش مانه/

یه مشتی زه من کپم باش لومه کهتم/
وریسام که سربغل دکتر گروتم/

تقلا کردم برم تا نی حسابه/
و اگر وادارنم اوضا خرابه/

مچشه کردم مه کپ یهو شل وابی/
کهتمش حکم از خدا دهسم ولابی/

و هزارتا مشقت تیشو فکهسم/
چی شکالی تاش جون اوطو جکهسم/

ولی چل تا گردمس بیشتر ومابی/
دو ستا تیپی بدی سر گردم وابی/

کو خدا رحم که دور او رو نکشتم/
ارسیشه بهس سی سرم وابی مه پشتم/

عاقبت جهسم ومث قاتل فراری/
اومدم و دل خراب و تهلخاری/

دل خراب،اوقات تل،و جیب بی پیل/
ایگلو همش یه لت،کو درد زنجیل!!/

تو مگو اوسو که چک وابی مه گوشم/
زنجیله سر میز بیده رهته و هوشم/

اومدم تا ده ایخم ودق بچاکم/
پیامی دام سر خطش تما بلاکم/

وو خطم زنگ وش زدم زی دا جوابم/
که و بن تش وهگرو اوضی خرابم/

گو الو،گتم کیی؟په مه تو مردی/
زی بگو بینم کیی ای کاره کردی؟/

موقی که مو گپ زدم یه کم دقت که/
یه کلام ده گپ نزه گوشینه قط که/

دیدم تا نه راه پیش،نه راه پس نی/
هرچه هم زنگ وش زدم در دسترس نی/

پرس کردم که کیه سرکار نهامه/
رهتم من مخابرات تا کر ککامه/😂😂😂😂😂