‌ ‌      "گەلی یاران"

‌ ‌      "گەلی یاران"
کاتێ مردم دەخیلتان بم
لەم غەریبستانە مەمنێژن
جەستە ماندووە خەمرێژەکەم بسووتێنن
خۆڵە مێشە خەمبارەکەم
بە ئاوی دیجلە بسپێرن
دیجلە دەمبا بۆ ئۆقیانووس
دەبمە هەڵم و دەگەرێمەوە بۆ ئاسمان
بای زریانیش هەڵدەکات و
جەستەی سپی چەشنی هەورم
دەباتەوە بۆ کوردستان
دڵتەنگ دڵتەنگ
لە سەر چاوەکەی ژیانم
چەشنی هەورێکی خەماژو دادەبارم
لە کوێستان و لە پێدەشت و دارستانا
دادەبارم تۆزقاڵ تۆزقاڵ
ژیلەموی دڵ دابەش دەکەم
بە سەر هەموو کوردستان
ا
جەلال مەلەکشا
#کورد
#کوردستان
#پیشمرگه