ببر گون سحر چاغی بولاق باشندا

ببر گون سحر چاغی بولاق باشندا
اورکدن دیل غمی چالیب آغلادیم
دومانلی داغلارین نیسگیلین غمین
یارالی کونلومه سالیب آغلادیم

بولاق باخیب گوزیاشیما دایاندی
من اودا آلیشدیم آما او یاندی
آغلاماق سه سیندن یاریم اویاندی
بیر بوسه گوزوندن آلیب آغلادیم

او بولاق باشندا قوی دئییم دوزون
یئرین بوش ایله دیم اوغلانین قیزین
شهلی بنوشه نین یاشل یارپوزین
ال آتیب تئلیندن یولوب آغلادیم

گورنده حالیمی ساز دیله گلدی
سیلکندی یئریندن بم دیله گلدی
شاپورام نینییم سوز بله گلدی
یازدیقیم سوزلره دولوب آغلادیم