بۆ دواجارە بەجێت دێڵم

بۆ دواجارە بەجێت دێڵم
دەماڵئاوا ئازیزەکە م
چوونکه خۆری بەهاری نوێ
لەناو پایزدا، دەرئەخەم
بەجێتدێڵم , بەجێتدێڵم
بەجێتدێڵم وەک سەنگەرێ
کە دوژمنم، ئەبەزێنم
تا بەباروتی رەشی چەک
گوڵی سپی وەدەستدێنم
بۆدواجارە بەجێتدێڵم
دەماڵئاوا ئازیزەکەم
بەجێتدێڵم،
سەرکەوتنمان لەچرکانی تفەنگدایە
لەو کاتەدا
کەپێکەنین لەژێر چەپۆکی مەرگدایه
ئەڕۆم , ئەڕۆم ....
ئەڕۆم گیانه من پیشمەرگەم
هێزی تاریکی راو دەکەم
گزنگی خۆری رزگاری
لەدەمکەلا وەدەر دەخەم
بۆدواجارە بەجێتدێڵم
دەماڵئاوا ئازیزەکەم .

مامۆستا ئەحمەد سالار
۱۹۷٤ مەهاباد
#کورد
#کوردستان
#پیشمرگه