#پست_ویژه...

#پست_ویژه...
#لری....

ایلِ گل اُفتایه وَ رو | گل سَیلَ واپَس ایکنه
قاصِه فِرستا اَر نَرَم | صُب شی وَ ناکَس ایکنه
مجبورِش کِردِه کهخُدا | خَرسَلشَ وَر بهون دییُم
پنج تیر پِرونمَ وَم بِییت | تا عشقِمَ نِشون بییُم

برنو وَم آبو ایرَوُم | پامَ پِخو بو ایرَوُم
غِشون غِشون ویسایَه بو | اُمرو مِ گِلمَ ایبَرُم
ایخُم وَ کهخُدا بگُم | لُر حرفِ زورَم سیش جَره
ایرَم نِشون بیُم کِ عشق | زورِش وَ برنو بیشتره

اَر ساچِمَه کِشمَم کِنِن | وَ عشقُم پا پَس نیکَشُم
خِم گُل یَه ایلیم سی خِمو | وَ خاسَنِش دَس نیکَشُم
صَد تا تِفنگ چینَم بیا | نیلُم کِ وَم بِسونِنِش
هَر کهخدی کِ زور بگو | باید مِن تَش بِسوزِنِش

اول تا آخِرِ ، تاریخَ خوندُم | کَسی بِرنونَ تَی لُرَل نَبُردِه
هَنی شانومَه وُ بِرنو دیارِن | هَنی هَم آریو بَرزن نَمُردِه


#دوشنبه_۰۹_بهمن_۱۳۹۶