حِـرص مُـون کــم بـه دِرار , پیـت نَـوَن مِن طُـرنات

حِـرص مُـون کــم بـه دِرار , پیـت نَـوَن مِن طُـرنات
خَل نَکُن بُرگِتِه سیم , کاشکی ایرَهدی تُورِه دات


تشنـه ی خیـنِ مُنِـن نـرگــس کـالِـت چـه کُـنُـم 
دِشنِـه ی قـلـب مُنِـن , رَحـــم نَـــدارِن بُـرگـــــات


تــا ئـی یــاهِـن زِ سَـرِ چَشمـه دُوَرگَل وا یَک 
یَشنُـمِـت بیـن همـه , چــون کــه بَنَـوشِ مِینـات


ای دُوَر نــاز نکُـن ,طِی مو بیشین راست بِگُو 
چنـــد تــا شــاه هــم از کیش ِ رُخِت وابین مات


سـی دلِ خُت ایگُومِت , ریتِـه نَپوشـون زِ هَمِه 
وَر نــه هَــر جــــا که بِــری ایـل ایـاهِن دیندات


مِنِـه آیـنِـه نَـکُـنـی سِیـــل , اَیَـر سِیـــل کُـنـی 
دِلِ خُـت هَـــم ایـبَــرِه نرگـس کـالِـــت هِیهــات


پــیـــرُوِه شـــاه ئی تَرسُم زِ سَرِ شـاه بیـان 
دی نَــوُرگَـــردِن و مَهنِـن بــه جَــوارِت ســادات


کُشتـه سَر کُشته کُنـی پُشتـه به خَشخار اَیَر 
چــی مُسلسـل سَــرِ رَگبــــار بِنـی مِـرزِنگــات


کـُر " نَـدی دل به پَلِس , کـار ایدِن دستِ دِلِت 
هـوشِـت اَر هُـش نَکُنـی بند ایبَندِن به پاهـات


مَـر تَـرُم دل بـه کَمَنـدِس نَسِپـــارُم ( شهـرو ) 
راست ایـگـوی دل نَـدِه تا دَست بیـارِه بُنِ نات