من ای دنیا فقیری بی تشم زه

من ای دنیا فـقـیـری بی تـشـم زه
غمِ وی جون اسیری، بی تشم زه

مِن او وُردی که ایگن پا گـرفـتـم
غـزال گرمـســیری، بی تشم زه

زرِ سایه ی بهون جا خش نکردم
ذلـیـلـی درد پـیـری، بی تشم زه

چه بد کردم مکـافـاتـم یـو وابــی
ملوس لو حـریـری، بی تشم زه

سلامم گـُـل بو ره سی شـِکُـفـتن
عـلیکَـل من مصیری، بی تشم زه

نه ره دارم که ور گردم نه ویسم
و سیلل سر وزیری، بی تشم زه

بهاره سوزه اقبالم چه وا بی
مو اقـبـالم کـویـری، بی تشم زه