مشک شاعر مهرداد ناصری دکلمه مهشید شرافی زاده آستاره بختیا

مشک شاعر مهرداد ناصری دکلمه مهشید شرافی زاده آستاره بختیاری

غزل برتر یازدهمین دوره همایش شعر بختیاری تَمدار بیت اردل ۹۶

مو که بَند نادُم به نا جورِ مَشک
زِ دُنیا دِلُم هِد سِیا جورِ مَشک

به بَختُم گِره کولِ غَم زَیدِنه
به تِشنی به دَست و به پا جورِ مَشک

یه عُرمه بَسیکه دلم پُر غَمه
زِ مَزگُم اِیاهه صدا جورِ مَشک

به دستِ چَقونِ غمِ زنده ای
زِ گَردَن اَویمه جدا جورِ مَشک

چِطَو زنده بوهُم که آبیده دی
دلُم جورِ حین و تِیا جورِ مَشک!

زِ صَد جا پَرو دَرد و غَم زَیدِنه
به لاشِ مونه بی گُنا جورِ مَشک

هَمس حَرس تُک تُک سَرِ بَردِچُل
زِ چار اَنگِله تیم اِیا جورِ مَشک
‌
دِلِ تَنگُم ایخو به کولُم بِنِن
دوواره دَدویل و دا جورِ مَشک.

شاعر : مهرداد ناصری

خوانش دکلمه : مهشید شرافی ‌زاده

خوانش دکلمه : آستاره بختیاری