دڵم هەستی پێکردووە

دڵم هەستی پێکردووە
ئەتەوێ فەرامۆشم کەیت
جار وبارێ
بەنامە بێگیانەکانت دڵخۆشم کەیت
قەینا تۆ زەحمەت مەکێشە
ئەو دیوارەی کەوا دروستت کردوە
وا تۆند دڵمی پیا مەکێشە
وردە وردە، خۆم دڵم دوور ئەخەەوە
فرمێسک و ئازارەکانی جارانی بیر ئەخەمەوە
وەک ئەو کاتەی کە تەنیا بوو بۆ خۆی بگری،لەوە ئەچێ
باشتربێ لەوەی دڵخۆشبێ
بە خەندەی رووکەشی کچی
ئێوارانێ ئەێبەم بۆ باخچەیەکی شار
بە هێمنی کەمی ئاموژگاری ئەکەم
لەو خەوە قوڵەی تیای ئەژی
هەمدیسان بێداری ئەکەم
فێری ئەکەم بۆنی گوڵی ڕەنگاوڕەنگ کات
هەر بۆ ئەوەی بۆنەکەتی بیرچێتەوە
فێری ئەکەم لەمە وبەدوا
خۆی بتوانێ فرمێسکی خۆی بسڕیتەوە