گوزلیم مجنون اگر دنیادا دیوانه اولوب

گوزلیم مجنون اگر دنیادا دیوانه اولوب
لیلی تک زلفی قارا جانینه جانانه اولوب
پیر مئیخانه کی مئیخانه لرین ناظمیدور
من کیمی بسته او دلبر مستانه اولوب
هر کسین قسمتینی خالق دانا یئتیریر
بولبوله گول وئریلیب شمعه ده پروانه اولوب
عاشیق زارکی دنیا غمی بندینده یانیر
یقینیم وار کی غلام در مئیخانه اولوب
او پریچهریله من ایندیه جک راحتیدیم
ایندی کی احتیاجیم وار منه بیگانه اولوب
ساقی از بسکی در مئیکده ده جام وئریب
صبرینین سایه سینه صاحب پیمانه اولوب
گئجه لر غم قوشونی قلبیمه لشکر چکیری
سن سیز عالم نرگیسه گوشه غمخانه اولوب.