سن یاریمین قاصدی سن

سن یاریمین قاصدی سن
ایلش سنه چای دئمیشم
خیالینی گوندریب دی
بسکی من آ خ وای دئمیشم
آخ گئجه لر یاتمامیشام
من سنه لای لای دئمیشم
سن یاتالی من گوزومه
اولدوزلاری سای دئمیشم
هرکس سنه اولدوز ديیه
اوزوم سنه آی دئمیشم
سنن سونرا حیات
شیرین دیسه زای دئمیشم
هر گوزلدن بیر گول آلیب
سن گوزله پای دئمیشم
سنین گول تک باتماقووی
آی باتانا تای دئمیشم
ایندی یایا قیش دئیرم
سابق قیشا یای دئمیشم
گاه طویووی یاده سالیب
من دلی نای نای دئمیشم
سونرا گنه یاسه باتیب
آغلاری های های دئمیشم
اتک دولی دریا کیمین
گوز یاشیما چای دئمیشم
عمره سورن من قره گون
آخ دئمیشم
وای دئمیشم.