پرس پرسون اوممه سر ورد خالوچن

پُرس پُرسون اُومَمه سر وُرد خالي،كوچني؟
چند روز اِشنفتِمِه آشفته حالي،كوچني؟
برگ برگم زرد وابي،اَوْ دلم ته ايگره
مُردمه از تشنگي،چشمِي زلالي،كوچني؟
روز و شو گشتم وَ دِينت انتظارت كُشتمه
تا نهال عِشقتَ مِن دل بكالي،كوچني؟
بي وفا! عاشق دلي درد دلش عشقِ توبي
يادگاري داده سيت،آوُردِه شالي،كوچني
چاك چاك وابيده دل،بِي تيغِ تيزِ بُرگَلِت
درد دارم وَم نمونده برگ و بالي،كوچني
چي ستارِي آسمون چشمك زنون،دنبالتم
عمريَ بي رنگ و رو يي خطُّ و خالي،كوچني
كوچني؟ گورَو زده دل،بسكه مونده منتظر
تِي خُمي ايگُم هَني مِن چَمِ خيالي،كوچني؟