پاییزفصیللرایچیندهپاییزغزلی

پاییزفصیللرایچینده(پاییزغزلی)
🌾 «۱۰۵»

ندن غریب قالیب‌دیر پاییز فصیللر ایچینده
باشین آشاغا سالیب‌دیر پاییز فصیللر ایچینده

یازین پاخیللیقینی چکمه‌ییب ولی قیشا دوغرو
گئدیر سولوب سارالیب‌دیر پاییز فصیللر ایچینده

یایین جهنم اودون باغرینا باسیب باش اوجالدیب
وَ باج آلوودان آلیب‌دیر پاییز فصیللر ایچینده

باهارکی سوژه اولوب شاعره گوزللیک آپاردی
دئمه سوسوب قوجالیب‌دیر پاییز فصیللر ایچینده

غزل قصیده‌ده من اوخشاسام‌ بویون‌ گوله‌جک‌دیر
قوجالسادا اوجالیب‌دیر پاییز فصیللر ایچینده

باخ ایندی مهریله آبان و آذره بو اوچ آی‌دا
صفایه مِهره دالیب‌دیر پاییز فصیللر ایچینده

پاییز غریب قالیب من‌ده‌کی غریبِ دیارم
گونش‌دن عمر آز آلیب‌دیر پاییز فصیللر ایچینده

ولی اوزون گئجه‌سی شعره شاعره اولوب همدم
و شعره حالوا چالیب‌دیر پاییز فصیللر ایچینده

«قیزیل‌قلم»پاییز عشقین‌ده یازدی دفتره شعرین
همیشه یاددا قالیب‌دیر پاییز فصیللر ایچینده
✍ «قیزیل قلم»✍
🌾 🌾 🌾 🌾 🌾 🌾 🌾 🌾 🌾 🌾 🌾 🌾

آذربایجان
https://telegram.me/TorkAz