شوُونُم تَهل و روزون زَهرِ ماری

شوُونُم تَهل و روزون زَهرِ ماری
گِرِه وَهسِه وِه کاروم نِی هَیاری

دِلوم چُهمِسِه دَهسِ مَردُمِ مال
بِکُن اِی شانسِ خَو پَه مُون تو یاری

اِیر حَندوم خدا دونِه وِه زورِه
مُو وابیمِه خُومَم وَر خوم فِراری

وِرِردوم بَردِ چیری دَورِه جونوم
وُو دی وا کَس نَداروم کار و باری

نیا آدَم وِه هُمسا جونِ اِیداد
حِلا کَس جا نیارِه خورزِماری

اَلازَنگی خو مِی خَو آدَم اِیَخرد
چِنون وابیِده روزَم یا دیاری

شَوون وا حَرس یاروم ای دلِ جا
کِه هَی میرِن رسومِ بَختیاری

کُنم پا گیوِه هان و ورکَشُمسون
دلِ اِشکَندِه تو طاقَت نداری!

اِدُنوم آخِرِس اِیروم غَریوی
بَرُم وا خُوم خومو ای زحمِ کاری