باغیمدا اوزوم قالدی

باغیمدا اوزوم قالدی
یئمه دیم اوزوم قالدی
ایکی عمی قیزیدان
بیرینده گؤزوم قالدی
...
آیاغیندا مسی وار
قیزیلدان دویمه سی وار
قویمور گئدیم یانینا
بیر ظالیم ننه سی وار
...
عزیزیم گولون یانسین
باغچادا گولون یانسین
منی یاردان آییران
آغزیندا دیلین یانسین
...
بو دره ده قاز گئده
قالخیب داشا تئز گئده
تانری یا روادی می ؟
دول کیشییه قیز گئده ؟
...
عزیزیم ته زه قاری
داغلارین ته زه قاری
آروادی دئیینگه ن ( کیشی نین - کیشینین )
ساققالی تئز آغاری ( کیشی نین - کبشینین )
...
عزیزینه م بو داغا
ائل کؤچوبدور بو داغا
ائله کی من دؤزوره م
رقیب دؤزمه ز بو داغا
...
دام اوسته دیر دامی میز
قوشادیر ائیوانیمیز
سن اوردان گل من بوردان
کور اولسون دوشمانیمیز
...
قیزیل اوزوک منده دیر
ساخلامیشام منده دیر
دونیا گؤزه له دؤنسه
منیم گؤنلوم سنده دیر
...
گئده ره م سردشته من
اولموشام سرگشته من
گل اجل آل جانیمی
یازیلمیشام باشدا من
...
عزیزیم یاز ی بورود
باهاری یازی بودور
من بونو کیمده بیلیم ؟
آنیلمین یازی بودور