سازی ناسازماموستا همین

سازی ناساز--ماموستا همین
بــــــولبولی باڵ شکاوی وه‌ختی گوڵم
هه‌ر شه‌پۆڵان ده‌دا دڵی له‌ کــــــــوڵم
کــــــــــــوردی به‌ندیی به‌یانی نه‌ورۆزم
گڕی گرتووه‌ ده‌روونی پــــــــــــڕ سۆزم
موغی بــــــــــێ ئاگری شه‌وی یه‌ڵدام
چاوڕێی چاره‌نووسی نــــــــــــــاپه‌یدام
کــــــــــــه‌وی بێ ده‌نگی نه‌و به‌هارانم
گوڵی بێڕه‌نگی چــــــــــــــــاو له‌ بارانم
کــــونجی جێ ژوانی چۆل و خامۆشم
سێبه‌ری نــــــــــــــازه‌نینی ڕه‌شپۆشم
ده‌ستی به‌ربووی گــچی گه‌ڕی شاییم
هه‌ستی خنکاوی لاوی ســــــه‌وداییم
کێلی گـــــــــــۆڕی شه‌هیدی گومناوم
تاکه‌ داری (تـــــــــــــــه‌ریکی) بێ ئاوم
ده‌فتـــــــه‌ری شیعری شاعیری ڕووتم
شه‌می ســـــــــه‌ر گۆڕ و داری تابووتم
کــــــــــــــونی گیراوی کۆنه‌ شمشاڵم
خه‌ونی ئاڵۆز و خــــــــــــــــاتیره‌ی تاڵم
ژیـــــــله‌مۆی ئـــــــــــــــــاگری به‌یانانم
باوکی فرمێسک و کـــــــــــــــوڕی ژانم
بــــــــــــــــــاڵه‌ سووتاوه‌کانی په‌روانه‌م
شووشه‌ باده‌ی بـــــــــه‌تاڵی مه‌یخانه‌م
چـــــــــــــــــــــڵه‌ ڕێحانی دووره‌ دێراوم
سازی ناسازی هــــــــــــــه‌ڵپه‌سێرا

#کورد
#کوردستان