سەلام محەمەد
ماموستا "سەلام محەمەد ئەمین"، شاعیری ناسراوی دوورە وڵات لە ۲۱ تەمموزی ۱۹۵۴ زایەنی، لە شاری کەرکووکی دڵی کوردستان لەدایکبووە و خوێندنی سەرەتایی و ئامادەیی لە شاری کەرکووک تەواو کردووە.
لە ساڵی ۱۹۷۸ دا بڕوانامەی بەکالۆریۆسی لە یاسا لە زانکۆی بەغدا بەدەستهێناوە.
مامۆستا سەلامی شاعیر، یەکێکە لەو چەند شاعیرەی لە سەرەتای ساڵانی حەفتادا گۆڕانکارییەکی تازەیان هێنایە ناو شیعری کوردییەوە.
شاعیر لەساڵی ۱۹۹۱ـەوە لە شاڕی واستیراسی وڵاتی سوید و نیشتەجێیە.
(۱)
من دڵم پێوە نەماوە
دڵم پارچە پارچە بووە
پارچەیەکی لە ناوەڕاستی حەفتاکان
هەرەسی هێنا شەهید بوو
...
پارچەیەکی لە هەڵەبجه بە بۆن کەوت و
بردیان بۆ خەستەخانەکانی ئێران
تا ئێستا نە خاچی سوور و
نە سەرۆکایەتی هەرێم
هیچ هەواڵێکی نازانن
...
پارچەیەکی لە بیابانی عەرعەردا
زیندەبەچاڵ کرا و هەرگیز
تەرمەکەی نادۆزرێتەوە
...
پارچەیەکی
ژنێك هەر بە گەنجی کوشتی
...
پارچەیەکی ژنێکی دی
بە ناز و فیزەوە بردی
...
پارچەیەکی لێ ماوەتەوە دڵی من
نەبادا ئەویش بفەوتێ
ژنەکەم خەریکە بیکات بە ئینجانە
بۆ گوڵە سوور سوورەکانی!
(۲)
[پڕشنگ]
ئەی پڕشنگی بچکۆلانە مەگری مەگری
خۆ ئەزانم گریان ئازاری مرۆڤه
گریان تووانەوەی کەونه
گریان تەقینەوەی زامە، بەڵام مەگری
کە تۆ ئەگریت: ئاسمان ئەگری، زەوی ئەگری
رووبار، دەریا، شاخ، گەردەلوول هەموو ئەگرین
شیعر، گەڵا، باران، شەفەق هەموو ئەگرین
کە تۆ ئەگریت ژیان سەما بۆ مەرگ ئەکات
مەرگیش سەما بۆ ژین ئەکات
ـ ئاخر دایکم کەی دێتەوە؟
ـ هەر دێتەوە...
ـ کەی؟ کەی؟
ـ لە جەژندا
جەژن هات و نەهاتەوە
هۆ ( پشە ) گیان
لە شەوانا دایکت ئەستێرەی سیوەیله
بە هەناسەی ئاگراوی پرچی رەشت شانە ئەکات
کە ئەخەویت پەنجەکانی
لای لایە بۆ ئاهو تاسەی شەوانی بێ نازیت ئەکەن
ماچەکانی وەکو رەوە کۆتری شین
بە سەر سووڕمەی زەردەوەبووی گۆناتەوە ئەنیشنەوە
ـ هۆ دایە گیان
لە ناو تۆڕی زەردەپەڕا گشت ئێوارەیەك ئەتبینم
خامۆش و بێدەنگ و ماتی
ئەگەر لە پایزی خەمگین پایزتر نیت بۆ نەهاتی
جەژن هات و تۆ نەهاتی
بۆ نازانی من چاوەڕێم
بۆ نازانی لە دەموچاوی پڕ سۆزی گشت دایکێکدا
بۆت ئەگەڕێم
بۆ نازانی مناڵان پێم ئەڵێن ( هەتیو )
ـ رۆڵە دایکی گشت منداڵێك دایکی تۆشه
ـ نا نا بۆنی هەناسەت ئەناسم
ئەگەر نەیەی چاوەڕوانیم ئەتەقێتەوە
ئەگریم و ئەگریم و ئەگریم
هەتا سروشت لە ناو دۆزەخی فرمێسکا ئەتوێتەوە
...
دایك نەهات
جەژن هات و جەژن رۆیی
چاوی خەواڵو تروکا
گوڵ چرۆی کرد، گوڵ هەڵوەری...
زستان
بەهار
هاوین هات و دایك نەهات
گڵاڵەکردنی ئەم بابەتە: #زانا_کوردستانی
لە ساڵی ۱۹۷۸ دا بڕوانامەی بەکالۆریۆسی لە یاسا لە زانکۆی بەغدا بەدەستهێناوە.
مامۆستا سەلامی شاعیر، یەکێکە لەو چەند شاعیرەی لە سەرەتای ساڵانی حەفتادا گۆڕانکارییەکی تازەیان هێنایە ناو شیعری کوردییەوە.
شاعیر لەساڵی ۱۹۹۱ـەوە لە شاڕی واستیراسی وڵاتی سوید و نیشتەجێیە.
(۱)
من دڵم پێوە نەماوە
دڵم پارچە پارچە بووە
پارچەیەکی لە ناوەڕاستی حەفتاکان
هەرەسی هێنا شەهید بوو
...
پارچەیەکی لە هەڵەبجه بە بۆن کەوت و
بردیان بۆ خەستەخانەکانی ئێران
تا ئێستا نە خاچی سوور و
نە سەرۆکایەتی هەرێم
هیچ هەواڵێکی نازانن
...
پارچەیەکی لە بیابانی عەرعەردا
زیندەبەچاڵ کرا و هەرگیز
تەرمەکەی نادۆزرێتەوە
...
پارچەیەکی
ژنێك هەر بە گەنجی کوشتی
...
پارچەیەکی ژنێکی دی
بە ناز و فیزەوە بردی
...
پارچەیەکی لێ ماوەتەوە دڵی من
نەبادا ئەویش بفەوتێ
ژنەکەم خەریکە بیکات بە ئینجانە
بۆ گوڵە سوور سوورەکانی!
(۲)
[پڕشنگ]
ئەی پڕشنگی بچکۆلانە مەگری مەگری
خۆ ئەزانم گریان ئازاری مرۆڤه
گریان تووانەوەی کەونه
گریان تەقینەوەی زامە، بەڵام مەگری
کە تۆ ئەگریت: ئاسمان ئەگری، زەوی ئەگری
رووبار، دەریا، شاخ، گەردەلوول هەموو ئەگرین
شیعر، گەڵا، باران، شەفەق هەموو ئەگرین
کە تۆ ئەگریت ژیان سەما بۆ مەرگ ئەکات
مەرگیش سەما بۆ ژین ئەکات
ـ ئاخر دایکم کەی دێتەوە؟
ـ هەر دێتەوە...
ـ کەی؟ کەی؟
ـ لە جەژندا
جەژن هات و نەهاتەوە
هۆ ( پشە ) گیان
لە شەوانا دایکت ئەستێرەی سیوەیله
بە هەناسەی ئاگراوی پرچی رەشت شانە ئەکات
کە ئەخەویت پەنجەکانی
لای لایە بۆ ئاهو تاسەی شەوانی بێ نازیت ئەکەن
ماچەکانی وەکو رەوە کۆتری شین
بە سەر سووڕمەی زەردەوەبووی گۆناتەوە ئەنیشنەوە
ـ هۆ دایە گیان
لە ناو تۆڕی زەردەپەڕا گشت ئێوارەیەك ئەتبینم
خامۆش و بێدەنگ و ماتی
ئەگەر لە پایزی خەمگین پایزتر نیت بۆ نەهاتی
جەژن هات و تۆ نەهاتی
بۆ نازانی من چاوەڕێم
بۆ نازانی لە دەموچاوی پڕ سۆزی گشت دایکێکدا
بۆت ئەگەڕێم
بۆ نازانی مناڵان پێم ئەڵێن ( هەتیو )
ـ رۆڵە دایکی گشت منداڵێك دایکی تۆشه
ـ نا نا بۆنی هەناسەت ئەناسم
ئەگەر نەیەی چاوەڕوانیم ئەتەقێتەوە
ئەگریم و ئەگریم و ئەگریم
هەتا سروشت لە ناو دۆزەخی فرمێسکا ئەتوێتەوە
...
دایك نەهات
جەژن هات و جەژن رۆیی
چاوی خەواڵو تروکا
گوڵ چرۆی کرد، گوڵ هەڵوەری...
زستان
بەهار
هاوین هات و دایك نەهات
گڵاڵەکردنی ئەم بابەتە: #زانا_کوردستانی
- ۵۷۰
- ۲۶ دی ۱۴۰۳
دیدگاه ها (۰)
در حال بارگزاری
خطا در دریافت مطلب های مرتبط