دُنیامه زم گِرِهدی

دُنیامه زم گِرِهدی

دُنیامه زِم گِرِهدی ، دُنیا تو جورِ شَو با
حونه بَوومه سُحدی ، حونه بَوِت خِرَو با

سی چه به چاله جونُم ، اَو رِهدِیه ندونُم
چاله دِلِت که سَرده ، مینِس یه مَشکِ اَو با

تیخِ غَمه کِشیدی ، تِشنی مونه بُریدی
قاوِ کِلوسِ تِشنیت ، وا تیخِ غم دِرَو با

گُرگِ غمت اِوی سیم ، دندون نِها به تِشنیم
اِسبیدِیه مِنِ ریت ، پُرتاپُرِس کُرَو با

دی سُحده بَختُم اَی وای ، شَه بیده رَختُم اَی وای
رَختِت به رنگِ شَو با ، بَختِت هَمِس به خَو با #بختیاری #لری #لر