بو گئجه کلثومه مهماندور علی

بو گئجه کلثومه مهماندور علی

صبح آچیلسا قانه غلطاندور علی

چیخما ای گون ، صبر ائله

دم غنیمتدور هله

وار غم آثاری دل احبابیده

منتظردور غملی معبد عابده

گئتمیه ای کاش مولا مسجده

آخر عمرونده پریشاندور علی

آز قالیب فرق امام اولسون دو نیم

یوخ شمادتدن دل مولا دو نیم

وقت او وقت اولدی اولا زینب یتیم

ائوده گرم ذکر قرآندور علی

قلب عالم غمدن ایلور اضطراب

گویده وار آثار شور و انقلاب

گوز تیکوبدور آسمانه بو تراب

دهر فانیدن گریزاندور علی

طول عمرونده علی مغموم اولوب

ایللریله قبری نا معلوم اولوب

الله الله کیم بیله مظلوم اولوب

ظلم الیندن سینه سوزاندور علی

آه او ساعتدن گیوب عالم قرا

وردی اول باشه مرادی بیر یارا

قویمادی باری نمازین قورتارا

گوردولر سجاده سی قاندور علی