شکردن بالدان شیریندی ائللر منیم آنا دی

شکردن بالدان شیریندی ائللر منیم آنا دیلیم

یادلارا ساتمارام سنی دگر مین مین جانا دیلیم



تاریخلرده واردی آدیم تورک اوغلویام تورک بنیادیم

دده قورقوددور مرادیم گلسه سازی چالا دیلیم



نوح نبیدن بریسن تمام دیللرین سریسن

سومری لر ثمریسن قانمازلار دا قانا دیلیم



سن بابکین غیرتیسن کور اوغلونون قدرتیسن

قوچ نبی نین جرأتیسن فخر ائدرم سنه دیلیم



گلین چیخاق سؤز جنگینه قفل وورمایین انگینه

فخر ائدرم هوشنگیمه ساوالان تک قالا دیلیم



سنی یازیب نظامی لر خاقانی لر، فضولی لر

شهریارلار، نسیمی لر ال قیرمیزی لاله دیلیم



یکانلی علی یم یاتمارام اؤزگه دیللره قاتمارام

سنی یادلارا ساتمارام بویانسام دا قانا دیلیم