قارا گئجه قارا بولود قارا یئل

قارا گئجه قارا بولود قارا یئل

ایلدیریملار شاققیلداییر آخیر سئل

گوی سسله نیر آمما یاتمیش بوتون ائل

قارا بولود سسله نیردی ، یاغیردی

بیر بالا قیز یاواش ـ یاواش چاغیردی

آنا ـ آتا آغری آلدیب جانیمی

آمان ، بوش قویمایین منیم یانیمی

تاپین حکیم ، وئرسین تئز درمانیمی

آتا باخدی حسرت ایله قادینا

پولسیز نئجه چاتسین بالا دادینا

یورقون فهله یازیق آتا چالیشدی

باخدی قیزا اورک باشی آلیشدی

یاندی ـ یاندی اودا کوله قاریشدی

تاپانمادی بئله دردین چارسین

گئیدی آخیر بالاسینین قاراسین