من اگر باخماسام ای گول سنه بیر کس باخان اولماز

من اگر باخماسام ای گول سنه بیر کس باخان اولماز
هئچ گوزون یاشی منیم تک سنه خاطر آخان اولماز

باشینی عرشه اوجالدان آغاجین ریشه سی دی
ریشه نی آتسان اگر، گویده بوداغین لاخان اولماز

قاش سئز انگشتره بنزر شرفی اولمویان انسان
الینه بیر بئله انگشتری بیر کس تاخان اولماز

ائلین اوستونده گرک جان وئره ستارخان اولا
هر آتین اوینادان اوغلوم اوبادا یوخسا خان اولماز

ایستیسن دونیادا هر یرده سرافراز اولاسان
دوز دانیش ، دوز بشرین قول و قراری چاخان اولماز

معرفت اولماسا انساندا قارانلیق دا قالار
ئلدیریم تک گئجه وقتی اونا کیمسه شاخان اولماز

چوخلاری قهر اودونا یاندئریب عالمده منی
یاندئریب جانیمی دونیاده سنین تک یاخان اولماز ..

مجید اسکندری