ای عمه منیم کاش ائله امکانیم اولئیدی

ای عمه! منیـم کاش ائلـه امکانیــم اولئیــدی

سینه‌مـده بو باش، بیر گئجه مئهمانیم اولئیدی

ای کاش بۇنون ذکرینی بیر آن ائشیدئیدیـم

بـۇ قانلێ دوْداقدان گئنـه قرآن ائشیدئیدیـم

هـر دم بابا جانیم چاغێریب، جان ائشیدئیدیم

قوربان بابامین جان سسینه جانیم اولئیدی

اوّلده گرک باوریمی محکـــم ائدئیدیم

پیشــوازه قاچێـب گؤزلریمـی پُر نم ائدئیدیم

گؤزیاشلاریمی جمع ائله‌ییب مرهم ائدئیدیم

الـده یارالـی لبلـه‌ره درمانیـم اولئیـدی

بیلسئیدیم اگر، اشکیمی یوللاره سپه‌ردیـم

گلسئیدی آیاغیلـه آیاق ردّین اؤپـه‌ردیـم

فرشیم یوْخودو زولفومو توْپراغه دؤشه‌ردیم

ویرانه ائویم لاییق مهمانیم اولئیـــدی

دۇتدو بـو گئجه اوّل شبدن منـی غفلــت

گؤی اهلینی دعوت ائله‌یم اوْلمادی فرصت

دوتسئیدیم عزا من بو باشین شأنینه نسبت

جئبریل گرک بو گئجه دربانیــم اولئیــدی

چـوْخ وئردی منـه زجـر، دنی گـؤز یاشـا خاطیر

سرنئیزه ده دۇرمۇشدۇ بو باش یوْلداشا خاطیـر

آلـلاه منـی حیفـظ ائتـدی فقـط بـۇ باشـا خاطیر

عئشقیمده ریضـا اوْلمـادی، نوقصـانیم اولئیـدی

آخئرده یئتیـب، چـوب-ی-جفـا دسـت-ی-یزیـده

وۇردۇ اوْنـۇ غئیظیله لـب-ی-لعـل-ی-شهیــده

زینـب بـی‌بـی‌میـن قـددین اَگیب ائتـدی خمیده

هیچ بیر دئمه‌دی یاخشێدێ ویجدانیـم اولئیـدی

منزوی