دلبـرُم , تـاج سَرُم " خالِ لَوِس , چی داسِه

دلبـرُم , تـاج سَرُم " خالِ لَوِس , چی داسِه
سا به سا , هرجا ایرِه , ای دل مُو دینداسِه

هرکی دلبنـد پَلِس بـو , به یهشت وَر نه
هرکی بَدخــواه گُـلُم بـوهه جَهَندَم جاسِه

مِنِه لَـر , هیـوِه بِلیـطانه ایــکِرد جَعـم گُــدُم
مَر مُو مُردُم کــه گُلُم نا سَر ِ مُل هیواسِه

ری دِلُم دَست نَنِه , پـاک زِ یَـک پیشکِستِه
اَر وَفـــادارا ِ مُنی , جَـعـم بِکُن هیــرداسِه

کَم کُنین پُرس زِ شَهرو که چه وادل کِـردی
مَر نیبینی کــــه دِلُــم مُنجُق ِ کَه مِیـناسِه

گُدُمِس دوش که فرهادلَوِت هیشکی هِده
دَستِسه نا سَر ِ ری , تـــا نبینُم خنـداسِه

تـارِ سُهری زِ پَلِس کَند و بِـوَندِس وَرِ پــام
خواه بِگو ها که هِدِه,یعنی دوبندی پاسِه