قلبیم دؤیؤنور ثانیه لر تک سنه خاطیر

قلبیم دؤیؤنور ثانیه لر تک سنه خاطیر

تئز گل داریخیبدیر اؤ دا من تک سنه خاطیر

یاز چیخدی، پاییز گلدی، خبر اولمادی سندن

چوخداندی ووروبدور اوره ییم، لک، سنه خاطیر

بو حسن و ملاحت کی سنین وار، دئییرم کاش

الله منی ده ایستیه، سن جک، سنه خاطیر

جنّتده دئیرلر نه بیلیم، بلکه ایچیندیر

شاید یارادیبلار گؤزو گؤیچک سنه خاطیر

هر یئرده دوعا ائیله سه لر. اصلی گؤزللر

آمین دئییرم من ساری کؤینک سنه خاطیر

تصویره چکیردیم قاشیوی، قاش قارالاندا

بیردن او قلم دوشدی سئوینجک سنه خاطیر

بایرام گئجه سیدی، اس ام اس لر یوبانیردی

گوردوم کی قاچاق گلدی پیامک سنه خاطیر.

گول فصلی بولاقلار قورویان لحظه، داریخما