من سنه آی دمرم آی سنه چاتماز گوزلیم

من سنه آی دمرم آی سنه چاتماز گوزلیم

سنه حسرتده قالان دونیانی چاتمازگوزلیم

کونلومون تک گولوسن فخر ائدیرم ناز بویووا

عشقیوه حیران اولان دای سنی آتماز گوزلیم

قوی گوزون قبله سینه هرگجه من سجده قئلیم

زاهدین سجده سی بو سجدیه چاتمازگوزلیم

آتگیلان غم کدری روی نگارینله گولوش

عاقل انسان باهارا غملری قاتماز گوزلیم

سن خیال ایلمکی گل گئدیشین یوخ ثمری

اولماسا گئت گلیمیز غم گونی باتماز گوزلیم

مجنونون مثلی من چشم خمارین دلیسی

لیلی مجنونه بئله عشوه نی ساتماز گوزلیم

ترک قئلمیر منی بیر لحظه وصالین خیالی

بو خیالین ائله ائله بیل گوزلری یاتماز گوزلیم

بو غریب دنیادا کونلوم نجه آرام اولاجاخ

یاتسا بختیم بیری بو بختی اویاتماز گوزلیم