خۆشه رۆژێ لە عالەم دەربەدەر بم

خۆشه رۆژێ لە عالەم دەربەدەر بم
له نێو ئەوزاعی دونیا بێ خەبەر بم

لە بەر بێ تاقەتی دێوانه ئاسا
له غەوواسانی دەریا بێ خەبەر بم

شەو و رۆژێ له چۆڵی هەر به ناڵه
حەریفی شەوڕەوی بایی سەحەر بم

نەزانێ هیچ کەسێ ناو و نیشانم
ئەگەر عاقڵ ئەگەر ئاشفته سەر بم

له هەر لا با بسووڕێنێ غوبارم
له هەر جێگایێ پێویستا سوپەر بم

چرابێ،هەڵکرێ،جانا،له نێو دڵ
له رووناکی دڵی یارم خەبەر بم

لە بەر چاوی تەڕم سۆرانی بڕزێ
گەهێ بێ دایک و گەه بێ پدەر بم

خودا خۆم چۆن بسووتێنم به جارێ
له دەرد و داخی ئەحواڵم بە دەر بم

شەوێ هەرتاکوو رۆژی هەر بناڵم
به گریان دەست و دامانی سەحەر بم

چ ڕێگەی چاره نابینم وەفایی
مەگەر سەر تا قەدەم غەرقی نەزەر بم