دڵم تەنگە و دەمی یارم

دڵم تەنگە و دەمی یارم
شەڕەنگێزە چەمی یارم
کوڵ و کۆیە هەناراوە
بە لێشاوە کەمی یارم
خەڵاتی خۆشەویستیمە
هەمووی ڕێزە خەمی یارم
پەپوولەی حەز بە سوتانە
دڵی دەوری شەمی یارم
چەنێ خۆشە و ئەدا ئۆخەی
بە ناخی ژین زەمی یارم
بە پیریش کۆرپەیێ ژیرم
لە بیر ناکەم مەمی یارم
هەواری سینە بەرنادەم
نەبێ گوم بەرهەمی یارم
نییە هاوڕازی تەنیایی
دڵم تەنگە و دەمی یارم

کامیل شەریف پوور
#کردستان
#کورد