"ئاخ کوردستان"

"ئاخ کوردستان"
جاران شاخ
نەزرگە بوو
هەردار بەڕوویەک
داری چاکە
هەرگاشە بەردێ مەتەرێز
هەرسەنگەرێ
خۆڵی گۆڕی پیر غەریبێ
سوێندی گەورەش
ناوی پیرۆزی کوردستان
خوێنی شەهید !
ئاخ ئێستا
شاخ هیچ نیە
بێژگە کوێستانێکی ساردو ڕووتەن
قەڵاتێکی کۆنی ڕووخاو
سەنگەرێکی پەڕپووتی لە بیر چوو
کۆمەڵە قەوانی ژەنگ گرتوو

دروشمەکەش
لەبیرتانە
(یا کوردستان یا نەمان)
مەخابن
مەخابن
نەمانەکە هاتە دی
ئاخ کوردستان

✍ مامۆستا ؛ #جەلال مەلەکشا