من سیس دن گلمیشم

من سیس دن گلمیشم

mən sis dən gəlmişəm

بیلمیرم آغلاییم، بیلمیرم گولوم

بیلمیرم آچیلیب، یا سولوب گولوم

دانیشماغا توتمور آغزیمدا دیلیم

آخی دوستلار، من سیس دن گلمیشم

Bilmirəm ağlayım, bilmirəm gülüm

bilmirəm açılıb, ya solub gülüm

Danışmağa tutmur ağzımda dilim

axı dostlar, mən sis dən gəlmişəm

مندن سوروشمایین تویدان، بایرامدان

نغمه دن، ماهنی دان، باده دن، جام دان

اوغول-اوشاغیمدان، بالا ـ بولامدان

آمان دوستلار، من سیس دن گلمیشم

Məndən soruşmayın toydan, bayramdan

nəğmədən, mahnıdan, badədən, camdan

oğul- uşağımdan, bala - bulamdan

aman dostlar, mən sis dən gəlmişəm