چرشنبه گونونده، چشمه باشیندا

چرشنبه گونونده، چشمه باشیندا

گوزوم بیر آلا گوز خانیما دوشدو

آتدی موٍژگان اوخون، کئچدی سینه مدن

قاداسی، بالاسی جانیما دوشدو.

ایشارت ائیله دیم، دردیمی بیلدی

هم چوخ گؤزل ایدی، هم اهلی دیلدی

باشینی بولادی، گؤزوندن گولدو.

گولنده قاداسی جانیما دوشدو.

علسگرم هر علمدن حالییام

دئدیم سن طبیبسن, من یارالییام.

دئدی نیشانلییام، اؤزگه مالییام

سیندی قول- قانادیم یانیما دوشدو.