اگر بیوفایی نیا بیتره

اگر بیوفایی نیا بیتره
مه بختم د چش تو هم سی تره
نیا و خیال منه بی خیال
نو و آسمو سی منه بسته بال
گل حشکمی خوم هوادارتم
نیا تا نیینی چنی خوارتم
و جوم شراو تو غم هردت
وه حال خراوم قسم هردتم
که یه دم د دیریت ننالم نیا
قفس اشکنا هردو بالم نیا
مه لیوه پرستم تو لیوه کشی
مه کفتر فراری تو بایه قشی
خزون خزونم و باغم نیا
بجز د خیالم سراغم نیا

دیر نیا گیسمه اسبی نکو
جومه ور دالکم سی نکو
پرسی بنی سی من و سی جور مه
خاک کف پاته بکو قور مه
لیوه پرستینه بکو و دینم
کاری بکو و خاک سی بشینم
مذهب مه گیس پریشونته
دینِ مه برمِ نامسلمونته
سیر دلم نون و نمک هردتم
وا گم گرداله زمی هردتم
وا مه بپر کفتر دم قهوه ای
وا تو میام تا اخر لیوه ای