ترسم که بچت جی خوت تاوان بده سر ایی عشق

زِی حرفَلِ تحلی وَم،خواسی که جدا آویم
پا پس نکشیدُم وُ پا پیچله هی بَهسُم

او قَهسِ تو دوسی بی،معلوم بی از اول
سی خواسَن و سی بیدن،واللهِ که بی قَهصُم

دیدُم که دو تا دَهست،رهتهِ مِنِ هر دَهسی
غیر از خومِ تی نا کهِ،غم خَردُم و اِشکَهسُم

دل زَهشه خرابی کهِ،پشتت نَکَشُم آهی
اُفتا پِیِ سیگار و...هر شو مو هنی مَهسُم

ترسم که بچت جی خوت،تاوان بده سر ایی عشق
رهتی وُ دِلُم مُر کهِ،اشکهسشه بِی دهسُم

سهراب عرب زاده
#سهراب_عرب_زاده