سەلام محەمەد
ماموستا "سەلام محەمەد ئەمین"، شاعیری ناسراوی دوورە وڵات لە ۲۱ تەمموزی ۱۹۵۴ زایەنی، لە شاری کەرکووکی لەدایکبووە.
(۱)
دارستانێك بەرامبەرمانە، لە ژمارە نایەت
سەعات بە سەعات
چەندان گەڵای زەردەوەبووی
لێ بەردەبێتەوە
وردە وردە چڵ و پۆپی درەختەکان
هیچیان لە بەردا نامێنێت،
رووت و قووت وەك ئادەم و حەوا
پێش ئەوەی لە بەهەشت دەربکرێن
رەنگە نەگاتە مانگێکی دیکە بەفر دایانپۆشێت
هێشتا هەندێك لە گەڵاکان هەڵنەوەریون
بە دەم باو بارانەوە
دەلەرێنەوە و دەبریسکێنەوە
هاکا ئەوانیش لە ناز و فیز بکەون و
لە ناو خەرمانە گەڵای سەر زەویدا
بێباکانە راکشێن، رەشەبایش بێباکانەتر
هەڵیان دەگرێت، بە دار و بەردیاندا دەدات
مرۆڤیش ئاوایە، بەڵام وەك حەشری گەڵاکان
هەموویان پێکەوە نامرن
لێرە و لەوێ، بە بەردەوامی
یەکێك دوا ماڵئاوایی دەکات و
لە ژێر گڵدا دەنێژرێت
زۆر نابات ئەو کرمانەی لە لاشەکەوە
پەیدا دەبن، هەر خۆیان لاشەکە دەخۆن
من ئەو جۆرە کرمە هار و هاجەم دیوە
چۆن لە درزی دارەمەیتێکەوە دەردەچوون
وەك ئەوەی قورمیش کرابن، بە پەله
لە درزێکی دیکەوە دەچوونە ژوورەوە
بەڵام خۆ مردن هەر مردنە
ئەگەر کرم بیخوات یا بسووتێنرێت
یا ببێت بە خۆراکی ماسی و نەهەنگ
ئەو مۆمەی کە دەکوژێتەوە
تەنیا و تەنیا ئەو کەسە خۆی
تاریکایی سەرتاسەریی دایدەپۆشێت و
ئیتر هەتا هەتایە چاوی بە روناکی ناکەوێت
نازانێت تام و بۆن چین!
سەر دەنێتە سەر خۆڵ و بەردی عەدەم
ئاگای لە هیچ نامێنێت
تاقە خەوێکی ئەبەدیە بێ بێداربوونەوە
جار جار، هێشتا
ئەو خەوە تاڵ و رەقەم پێ ئارامترە
لە ژیانێك بووە بە مەزادخانەی
لۆکەی هه ستى رەنگاوڕەنگ
(۲)
ئاوی بادەی مەحاڵم نۆش کردووە بۆیه
تا دوا چرکەی تەمەنم
شێتانە خاچی ئازاری ئینسان هەڵدەگرم
مەست مەست هەمیشە بە هیوای دیدار رێ دەکەم
هێشتا چەند قەترەیەك فرمێسکی تیا ماوە
پەرداخی ژیان
(۳)
[ههبوو نهبوو (رهشنووسى كؤن)]
دڵێکم هەبوو، جوان وەك گوڵ
پاك و ساف وەك ئاوی کانی
دایانە بەر خەنجەری تیژ
لە چوار پێنج قۆڵەوە
بە خەستی زامدار کرا دڵەکەم
خۆی ئاسایی
لە سەر کوورەی جەهەننەمی رۆژگار
دەسووتا و هەڵدەقرچا
چ پێویستییەکی بەم ئاگر و نوکە رمانە نەبوو
هاوار بۆ دڵە تەنیاکەم
کە بە درێژایی ژیان وەك چرای تەڵخی
ماڵە هەژارێك پرتە پرتی پێکەوتبوو
بەڵام بێ ئومێدیش نەبوو
گوێم لێبوو بەیانیان و ئێواران دەیگووت:
من لە چاوەڕوانیدام کەواتە من هەم
ئەوەی چاوەڕوان بێت
هەمیشە پڕە لە خەون و ئاواتی جۆراوجۆر
هەمیشە تامەزرۆی جامێ ئاوی ساردە
تینوویەتی بیابانی هەناوی بشکێنێت
ئای کە رەق و بێ بەزەییە دونیا
پڕە لە شووشەی شکاوی
پەنجەرەکانی ماڵی دادگا
پڕە لە نەفرەت و رشانەوەی رەش
بە بەر چاوی خۆمەوە دڵیان کوشتم
بە نهێنی لە جەنازەی دڵی خۆمدا
ئامادە بووم
هەر بە دەستی خۆمیش
لە دارستانێکی دووری لاڕێدا
قەبرێکی بچکۆلەم بۆ هەڵکەند
بە گەڵا و چیلکەدار دامپۆشی
بێجگە لە سەلام محەمەد
کەسی دی نازانێ
گؤڕی ئەو دڵە غەریبە لە کوێیە
کە بەر لە ناشتنی بە چەند چرکەیەك
بە چرپەوە وتی:
ئەگەر رۆژی حەشر هەبێت ( کە بەداخەوە نییە )، ئەوسا لەوێ
لەو رۆژەدا
راستییەکان و درۆکان
لە سەر تەنافی پردە سیراتەکەی خودا هەڵدەخەم
کز کز، بێ دڵ گەڕامەوە بۆ ماڵ
لە کتێبدا خوێندوومەتەوە
ئەوەی دڵی دەکوژرێت
مێشکی جێگای دەگرێتەوە
بەڵام من زیندانییەکم بە ژیان حوکم دراوم
دەبێ تا ئەو ساتەی روحم لە جەستەم جیادەبێتەوە
بەڵگەشم نییە کە روح هەیە یا نا
هەناسە بکێشم و خۆش یا ناخۆش، بیگوزەرێنم
رۆژێك دێت بە دیداری ئەو دڵە شەهیدە
شاد دەبمەوە
دەیخەمەوە شوێنە چۆڵەکەی خۆی
پێکەوە وەك پۆلە پەپوولە هەڵدەفڕین
وەك رەوە مامز
مەست مەست و بەختەوەر
غار غارێن دەکەین
بە ناو باخە رەنگاوڕەنگ و
بێ رەنگەکانی دوای مردن
کە ناوی لێنراوە قۆناخی ( بەرزەخ )
گڵاڵەکردنی ئەم بابەتە: #زانا_کوردستانی
(۱)
دارستانێك بەرامبەرمانە، لە ژمارە نایەت
سەعات بە سەعات
چەندان گەڵای زەردەوەبووی
لێ بەردەبێتەوە
وردە وردە چڵ و پۆپی درەختەکان
هیچیان لە بەردا نامێنێت،
رووت و قووت وەك ئادەم و حەوا
پێش ئەوەی لە بەهەشت دەربکرێن
رەنگە نەگاتە مانگێکی دیکە بەفر دایانپۆشێت
هێشتا هەندێك لە گەڵاکان هەڵنەوەریون
بە دەم باو بارانەوە
دەلەرێنەوە و دەبریسکێنەوە
هاکا ئەوانیش لە ناز و فیز بکەون و
لە ناو خەرمانە گەڵای سەر زەویدا
بێباکانە راکشێن، رەشەبایش بێباکانەتر
هەڵیان دەگرێت، بە دار و بەردیاندا دەدات
مرۆڤیش ئاوایە، بەڵام وەك حەشری گەڵاکان
هەموویان پێکەوە نامرن
لێرە و لەوێ، بە بەردەوامی
یەکێك دوا ماڵئاوایی دەکات و
لە ژێر گڵدا دەنێژرێت
زۆر نابات ئەو کرمانەی لە لاشەکەوە
پەیدا دەبن، هەر خۆیان لاشەکە دەخۆن
من ئەو جۆرە کرمە هار و هاجەم دیوە
چۆن لە درزی دارەمەیتێکەوە دەردەچوون
وەك ئەوەی قورمیش کرابن، بە پەله
لە درزێکی دیکەوە دەچوونە ژوورەوە
بەڵام خۆ مردن هەر مردنە
ئەگەر کرم بیخوات یا بسووتێنرێت
یا ببێت بە خۆراکی ماسی و نەهەنگ
ئەو مۆمەی کە دەکوژێتەوە
تەنیا و تەنیا ئەو کەسە خۆی
تاریکایی سەرتاسەریی دایدەپۆشێت و
ئیتر هەتا هەتایە چاوی بە روناکی ناکەوێت
نازانێت تام و بۆن چین!
سەر دەنێتە سەر خۆڵ و بەردی عەدەم
ئاگای لە هیچ نامێنێت
تاقە خەوێکی ئەبەدیە بێ بێداربوونەوە
جار جار، هێشتا
ئەو خەوە تاڵ و رەقەم پێ ئارامترە
لە ژیانێك بووە بە مەزادخانەی
لۆکەی هه ستى رەنگاوڕەنگ
(۲)
ئاوی بادەی مەحاڵم نۆش کردووە بۆیه
تا دوا چرکەی تەمەنم
شێتانە خاچی ئازاری ئینسان هەڵدەگرم
مەست مەست هەمیشە بە هیوای دیدار رێ دەکەم
هێشتا چەند قەترەیەك فرمێسکی تیا ماوە
پەرداخی ژیان
(۳)
[ههبوو نهبوو (رهشنووسى كؤن)]
دڵێکم هەبوو، جوان وەك گوڵ
پاك و ساف وەك ئاوی کانی
دایانە بەر خەنجەری تیژ
لە چوار پێنج قۆڵەوە
بە خەستی زامدار کرا دڵەکەم
خۆی ئاسایی
لە سەر کوورەی جەهەننەمی رۆژگار
دەسووتا و هەڵدەقرچا
چ پێویستییەکی بەم ئاگر و نوکە رمانە نەبوو
هاوار بۆ دڵە تەنیاکەم
کە بە درێژایی ژیان وەك چرای تەڵخی
ماڵە هەژارێك پرتە پرتی پێکەوتبوو
بەڵام بێ ئومێدیش نەبوو
گوێم لێبوو بەیانیان و ئێواران دەیگووت:
من لە چاوەڕوانیدام کەواتە من هەم
ئەوەی چاوەڕوان بێت
هەمیشە پڕە لە خەون و ئاواتی جۆراوجۆر
هەمیشە تامەزرۆی جامێ ئاوی ساردە
تینوویەتی بیابانی هەناوی بشکێنێت
ئای کە رەق و بێ بەزەییە دونیا
پڕە لە شووشەی شکاوی
پەنجەرەکانی ماڵی دادگا
پڕە لە نەفرەت و رشانەوەی رەش
بە بەر چاوی خۆمەوە دڵیان کوشتم
بە نهێنی لە جەنازەی دڵی خۆمدا
ئامادە بووم
هەر بە دەستی خۆمیش
لە دارستانێکی دووری لاڕێدا
قەبرێکی بچکۆلەم بۆ هەڵکەند
بە گەڵا و چیلکەدار دامپۆشی
بێجگە لە سەلام محەمەد
کەسی دی نازانێ
گؤڕی ئەو دڵە غەریبە لە کوێیە
کە بەر لە ناشتنی بە چەند چرکەیەك
بە چرپەوە وتی:
ئەگەر رۆژی حەشر هەبێت ( کە بەداخەوە نییە )، ئەوسا لەوێ
لەو رۆژەدا
راستییەکان و درۆکان
لە سەر تەنافی پردە سیراتەکەی خودا هەڵدەخەم
کز کز، بێ دڵ گەڕامەوە بۆ ماڵ
لە کتێبدا خوێندوومەتەوە
ئەوەی دڵی دەکوژرێت
مێشکی جێگای دەگرێتەوە
بەڵام من زیندانییەکم بە ژیان حوکم دراوم
دەبێ تا ئەو ساتەی روحم لە جەستەم جیادەبێتەوە
بەڵگەشم نییە کە روح هەیە یا نا
هەناسە بکێشم و خۆش یا ناخۆش، بیگوزەرێنم
رۆژێك دێت بە دیداری ئەو دڵە شەهیدە
شاد دەبمەوە
دەیخەمەوە شوێنە چۆڵەکەی خۆی
پێکەوە وەك پۆلە پەپوولە هەڵدەفڕین
وەك رەوە مامز
مەست مەست و بەختەوەر
غار غارێن دەکەین
بە ناو باخە رەنگاوڕەنگ و
بێ رەنگەکانی دوای مردن
کە ناوی لێنراوە قۆناخی ( بەرزەخ )
گڵاڵەکردنی ئەم بابەتە: #زانا_کوردستانی
- ۷۳۳
- ۲۹ دی ۱۴۰۳
دیدگاه ها (۰)
در حال بارگزاری
خطا در دریافت مطلب های مرتبط