مِه جُز دِ کنارِ تو که آروم نِمِیرِم

مِه جُز دِ کنارِ تو که آروم نِمِیرِم
چون سَختِ تونِم،دونَه دِ هر دُوم نِمِیرِم

تو ساقیِ سنگین دَسِمی،جز تو مِه حتی
دِ اوجِ خماری دِ کسی جُوم نِمِیرِم

بازارِ دلِم بی تو مینهَ ریی وِه کِساتی
دونِم که دِما تو مِه سَرانجوم نِمِیرِم

چَن رستمِ دستان،اگر زور دِ بازوم
دِ رزمِ دل و اخمِ تو مِه کوم نِمِیرِم

اَر مِه دو سه صد یار وِه دورِم بوئهَ افسوس
هرگز چی تو دلدار و دلآروم نِمِیرِم