باغيشلا مني

باغيشلا مني

گوناهيم سئومكديرسه باغيشلا مني

بير گون ترك ائده‌رم گولوم، من سني.

اولموشام عشقيندن من آرتيق دلي

گوناهيم سئومكديرسه باغيشلا مني!

عشقيندير حياتدا ياشادان مني،

عشقسيز اينسانين نه دردي قمي؟

اولموشام عشقي‌نين بو گون اسيري

باغيشلا سئوگيليم باغيشلا مني!

گول تك قوينوندا ساراليب سولدوم

بو عشق يولوندا من هلاك اولدوم.

سني سئوركن سئويلمز اولدوم

باغيشلا سئوگيليم باغيشلا مني!

گونش تك قلبيمه نور اله‌دين سن

گؤيلرده سايريشان بير اولدوزام من.

قلبينده آجي تك ياشاييرام من

باغيشلا سئوگيليم باغيشلا مني!

سنه وورولان او گوندن بري

ياشايير قلبيمده هيجران قمي

چاتيب سئوگيميزين آيريليق دمي
باغيشلا سئوگيليم باغيشلا مني!