ئەوەندە ژین سامناک و تفت و تاڵه

ئەوەندە ژین سامناک و تفت و تاڵه
ئەوەندە ڕێم سەخت و پڕ دڕک و داڵه

ئەوەندە دڵ کەوتۆتە بەر پەلامار
گیانم پڕە له‌ زەخم و ئێش و ئازار

هێندە هیوا و ئاواتم هەڵپڕووکا
پشتم لەژێر باری خەماپڕووکا

هێندە خۆزگەو تاسەو حەزم ناشتووە
هەمووم بەخوێن، بەفرمێسکم شوشتووە

ئەوەندەێان خەنجەر لەگیانم چەقان
زووخی هەزاربلۆقی خەمیان تەقاند

هێندە داخی خەمیان چزان بەجەرگا
لە عەزرەتا باوه‌ش ئەکەم بە مەرگا