ایرسهِ روزی خور بُی حال زارن دیمو بوم

ایرسهِ روزی خور بُی حال زارن دیمو بوم
بعد مو بُی خینه دل هم داغ دارِن دیمو بوم

ایرسهِ روزی که هی الله اکبر سر بدین
پشت لاشِی غصه دارُم بی قرارن دیمو بوم

ایرسهِ روزی بگیری جوممهِ مِن دهس خوت
بُی نبیدُم مثل خوت هم تهله خوارن دیمو بوم

فتنه کارل بینمون بلوا وَ پا کردِن بِوین
مثل اوسِن خوم هنی هم زِر فشارن دیمو بوم

هر که قیلون ایکشهِ ای کاشکی یادُم کنه
روزلی که بُی غمُم مِن انفجارن دیمو بوم
سرگشته