. گنه یا رب اوجالیب گویلره غم مرثیه سی

. گنه یا رب اوجالیب گویلره غم مرثیه سی
گنه باشلاندی کفن سیز اغامین تعزیه سی
گنه ایوان غمه فرش محبت سالینیر
هارا گتسن سودامر اصغر لای لای چالینیر
گنه دنیایه وریب نور خدا نقش ونما
گنه گوشواره الان چوخدی رقیه خانما
بیلیرم شمعین اومیدی پر پروانه ددی
چوخ مریضین گوزی الان بو شفاخانه ددی
چون بیلیر کی بو شفا خانه ده زهرا دولانیر
دلینن مشکی سالیب چینینه سقا دولانیر
گوشولوب حضرت پیغنبره حیدرده گلیب
قاننی عمامسی الده علی اکبرده گلیب
بیر طرفده اوتوروب زینب صدیقه معاب
بیرطرفده الیب اوز اصغرین اغوشه رباب
دییر اغلوم نظر ایله قاپووا چوخدی گلن
چوخلاری بوردا اسیر غم دوراندی اوغول
دردی وار مشکیلی وار دست به داماندی اوغول